ՀՀ տարածքում բոլոր միջպետական եւ միջհամայնքային ավտոճանապարհները հունվարի 31-ի ժամը 08.00-ի դրությամբ հիմնականում անցանելի են, սակայն տեղ-տեղ առկա է մերկասառույց:Այս մասին NEWS.am-ին տեղեկացնում են Արտակարգ Իրավիճակների նախարարության լրատվական ծառայությունից: Դժվարանցանելի են Սելիմի լեռնանցքը, Գեղարքունիքի մարզի Վերին Գետաշեն-Մադինա միջհամայնքային ավտոճանապարհը:Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմին­դա-Լարս ավտոճանապարհը փակ է կցորդով բեռնատարների համար, մյուս բոլոր տիպի ավտոմեքենաների համար երթեւեկությունը թույլատրելի է անվաշղթաների կիրառման դեպքում:Կատարվում են ճանապարհների մաքրման եւ մշակման աշխատանքներ: