նախընտրելի դարձնել
Ինչպես հայտնի է, երեկ ուշ երեկոյան հրազենից վիրավորված ՀՀ նախագահի թեկնածու Պարույր Հայրիկյանը շտապօգնության մեքենայով տեղափոխել է «Սուրբ Գրիգոր Լուսավորիչ» բժշկական կենտրոն: Հանրապետության բարձրաստիճան պաշտոնյաների թվում, րոպեներ անց, բժշկական կենտրոնում էր ՀՀ առողջապահության նախարար Դերենիկ Դումանյանը։
Առողջապահության նախարարության մամուլի ծառայությունից հայտնում են, որ բժիշկներն այս պահին Հայրիկյանին վիրահատում են։
Երեկ, դեպքից հետո, առողջապահության նախարարն այցելել է տուժած քաղաքական գործչին, զրուցել նրա հետ, ապա լրագրողներին հայտնել, որ Պարույր Հայրիկյանի կյանքին վտանգ չի սպառնում, վիճակը գնահատվում է միջին ծանրության։ Ողջ գիշերը Դերենիկ Դումանյանին ժամանակ առ ժամանակ տեղեկացրել են Պարույր Հայրիկյանի վիճակի մասին։ «Սուրբ Գրիգոր Լուսավորիչ» բժշկական կենտրոնի մասնագետների աչալուրջ հսկողության շնորհիվ ԱԻՄ առաջնորդի մոտ գիշերը վիճակի վատթարացում չի արձանագրվել։
Դերենիկ Դումանյանն այսօր առավոտյան կրկին այցելել է «Սուրբ Գրիգոր Լուսավորիչ» բժշկական կենտրոն։ Առավոտյան եւս Պարույր Հայրիկյանի վիճակը գնահատվել է միջին ծանրության, կայուն։
