նախընտրելի դարձնել
Նորություն չէ, որ Twitter ընկերությունը մշտապես լրացնում է իր ծառայությունների լեզուների բազան: Սակայն փետրվարի 8-ի ուշ գիշերը ծրագրավորողներն ավելացրել են մի հնարավորություն, որի մասին պետք է իմանա ինտերնետային ողջ առաջադեմ հասարակությունը` այժմ Twitter-ում կա «կատվային» մեմ լեզու` lolcat.
«lolcat» տերմինի տակ սովորաբար հասկանում են տեքստի ձեւով կատվի պատկեր` մեծատառերով եւ միտումնավոր ուղղագրական սխալներով գրված: Այս ոճով էլ այսօրվանից կարելի է լրացնել Twitter-ի ինտերֆեյսը: Այդ դեպքում «followers»-ի փոխարեն դուք կտեսնեք «FOLLOWERS», նոր թվիթ գրելու կոճակը կուրախացնի ձեզ «COMPOZE NEW TWEET. KTHXBYE!»-ով, եւ այլն:
Բաժանորդներն ինչպես միշտ երկու խմբի են բաժանվել: Կատվային վեբ մեմի սիրահարներն ուրախացել են, մյուսները ծրագրավորողներին խորհուրդ են տվել զբաղվել սպամերով եւ այլ` իսկապես օգտակար բաներով, հայտնում է Onliner-ը:
