նախընտրելի դարձնելՓորձաքննությունը ցույց է տվել, որ նովգորոդցի խոշոր արդյունաբերող Թելման Մխիթարյանի առողջական վիճակը թույլ է տալիս նրան կալանքի տակ մնալ, հաղորդում է «ՌԻԱ Նովոստին»: Նա մեղադրվում է մոտ 48 մլն ռուբլու գույքի յուրացման մեջ:
Հետխորհրդային շրջանում Մխիթարյանը ղեկավարել է մի շարք ձեռնարկություններ եւ վերահսկել տարածաշրջանի տնտեսության նշանակալի մասը: Եղել է նախկին նահանգապետ Միխայիլ Պրոսակի խորհրդականը:
Մխիթարյանի նկատմամբ գործը հարուցվել է 2008թ-ին: Հետաքննության տվյալներով` Մխիթարյանը գործընկերոջ հետ 1998-2004թթ. շորթման միջոցով տիրացել է «Սպեկտր» եւ «Նովգորոդխլեբ» ընկերությունների գույքին ու բաժնետոմսերին եւ խուսափել արդարադատությունից: 2010թ-ին հայ իրավապահները Մխիթարյանին ձերբակալել են Երեւանում եւ արտահանձնել Ռուսաստանին:
Նովգորոդի շրջանում Մխիթարյանի նկատմամբ գործի քննությունն սկսվել է 2012թ. դեկտեմբերին: Նրան սպասվում է մինչեւ 15 տարի ազատազրկում` մինչեւ մեկ մլն ռուբլի տուգանքի գանձումով: Պաշտպանական կողմը բազմիցս հայտարարել է Մխիթարյանի առողջական վատ վիճակի մասին` նշելով, որ նա անհրաժեշտ բուժօգնություն չի ստանում:
2013թ-ին ՄԻԵԴ-ը մասնակիորեն բավարարել է պաշտպանական կողմի հայցը` հաստատելով, որ նա «արդյունվետ բուժօգնություն չի ստացել» եւ որպես փոխհատուցում հատկացրել 22 հազ. եվրո:
