նախընտրելի դարձնելԵրեւանի պետական ճարտապետաշինարարական ինստիտուտի ավագ դպրոցում ապրիլի 18-ին կկայանա «2012-2013 թթ. ուստարվա Հայաստանի ռուսաց լեզվի լավագույն ուսուցիչ» մրցույթի եզրափակիչ փուլը:
Հայաստանում «Ռոսսոտրուդնիչեստվոյի» ներկայացուցչության մամուլի քարտուղար Լիանա Ազոյանը NEWS.am-ին ասաց, որ մրցույթի կազմակերպիչը «Ռոսսոտրուդնիչեստվոյի» ներկայացուցչության ռուսաց լեզվի ուսումնամեթոդական կենտրոնն է: Այն անցկացվում է Հայաստանի կրթության եւ գիտության նախարարության ազգային ինստիտուտի, Հանրակրթական դպրոցներում ռուսաց լեզվի ուսուցիչների ասոցիացիայի, Երեւանի քաղաքապետարանի եւ մարզպետարանների կրթության վարչությունների հետ համատեղ:
Մրցույթի նպատակը ռուսաց լեզի ուսուցիչների հեղինակության բարձրացումն է, հանրության ուշադրության սեւեռումը նրանց աշխատանքի վրա, ինչպես նաեւ ստեղծագործ ուսուցիչների հայտնաբերումն ու խրախուսումը:
Մրցույթի ընտրական փուլը տեղի է ունեցել ողջ հանրապետությում, եզրափակիչ փուլի համար ներկայացվել է 40 ուսուցչի թեկնածություն: Եզրափակիչ փուլում կորոշվեն մրցույթի հաղթողները, որոնց կշնորհվեն I, II եւ III աստիճանի դիպլոմներ: Մասնակիցներին եւս դիպլոմներ կշնորհվեն:
