նախընտրելի դարձնելՄոսկվայում կհրատարակվի ամերիկյան հայտնի «Ավազե ամրոցի աղջիկները» վեպի ռուսերեն տարբերակը, հաղորդում է «Երկրամասը»:
Ամերիկահայ գրող Քրիս Բոխջալյանի վեպը մի քանի առաջատար լրատվամիջոցների` «New York Times»-ի, «Associated Press»-ի, «USA Today-ի», «People» ամսագրի, «Oprah.com»-ի վարկածներով բեսթսելեր է ճանաչվել, իսկ «The Washington Post»-ը եւ «Library Journal»-ը այն համարել են 2012թ. լավագույն գիրքը: Քրիս Բոխջալյանը համարվում է ԱՄՆ-ում ամենաընթերցվող հեղինակներից:
Գրքում ներկայացված իրադարձությունները շոշափում են նրա զգացմունքները, քանի որ լինելով Հայոց ցեղասպանությունը վերապրածների թոռ, նա ցանկացել է, որ ողջ աշխարհն իմանա այդ սարսափելի ժամանակների իրադարձությունների մասին: Եւ «Ավազե ամրոցի աղջիկները» գրքով նա հասել է իր նպատակին:
Գրքի հրատարակությամբ զբաղվող «Որակ մեդիա» ընկերության նախաձեռնությունը ողջունել են Ռուսաստանի հայ ձեռներեցները: Որպես նախագծի գլխավոր հովանավոր է հանդես եկել «Բորոդինո» ընկերությունների խմբի նախագահ Տիգրան Ներսիսյանը: Իր աջակցությունն է ցուցաբերել նաեւ «Բլեսկ» ընկերությունների խմբի ղեկավար Ժիրիկ Մխոյանը:
