ՆախընտրելիՄայիսի 5-ին, ժամը 18.30-ին, ոստիկանության Գյումրիի բաժին է դիմել 58-ամյա մի կին եւ հայտնել, որ նույն օրը, ժամը 15.00-ի սահմաններում, հանրակացարանի բակում, վիճաբանության ժամանակ, ոմն Սիմոն եւ Անդո դանակով հարվածել են որդուն` 22-ամյա Մարտին Հ.-ին:
Ոստիկանության մամուլի ծառայությունից NEWS.am-ին հայտնում են, որ որդին աջ ազդրի հետին մակերեսի կտրած, արյունահոսող վերքով տեղափոխվել է բժշկական կենտրոն:
Մարտին Հ.-ին տրվել է դատաբժշկի ուղեգիր:
Ձեռնարկվում են միջոցառումներ Սիմոնի եւ Անդոյի անձերը պարզելու ու նրանց հայտնաբերելու ուղղությամբ:
Կատարվում է հետաքննություն:
