Քաղաքականություն11:08 | 08 մայիսի, 2013

Սերժ Սարգսյանը նշանակել է նախարարներին. կառավարության կազմը պատրաստ է

նախընտրելի դարձնել

Հայաստանի նախագահ Սերժ Սարգսյանը հրամանագրեր է ստորագրել եւ նշանակել նախարարներին:

Սահմանադրության 55-րդ հոդվածի 4-րդ կետի համաձայն կատարվել են հետեւյալ նշանակումները.

Արամ Հարությունյան - Բնապահպանության նախարար

Արմեն Մովսիսյան - Էներգետիկայի եւ բնական պաշարների նախարար Արմեն Աշոտյան- Կրթության եւ գիտության նախարար

Հասմիկ Պողոսյան- Մշակույթի նախարար

Հրանուշ Հակոբյան- Սփյուռքի նախարար

Արտեմ Ասատրյան-Աշխատանքի եւ սոցիալական հարցերի նախարար

Դերենիկ Դումանյան-Առողջապահության նախարար

Վահրամ Ավանեսյանը-Էկոնոմիկայի նախարար

Հրայր Թովմասյան-Արդարադատության նախարար

Սամվել Թադեւոսյան- Քաղաքաշինության նախարար

Սերգո Կարապետյան-Գյուղատնտեսության նախարար

Արմեն Երիցյան- Արտակարգ իրավիճակների նախարար

Գագիկ Բեգլարյան-Տրանսպորտի եւ կապի նախարար

Արմեն Գեւորգյան-Տարածքային կառավարման նախարար, մեկ այլ հրամանագրով նաեւ` փոխվարչապետ

Սերժ Սարգսյանը Յուրի Վարդանյանին ազատել է նախագահի խորհրդականի պաշտոնից եւ նշանակել Սպորտի եւ երիտասարդության հարցերի նախարար, Դավիթ Սարգսյանն ազատվել է Կառավարության աշխատակազմի ղեկավարի պաշտոնից եւ նշանակվել Ֆինանսների նախարար, իսկ Ֆինանսների նախարարի պաշտոնակատար Վաչե Գաբրիելյանը նշանակվել է Կառավարության աշխատակազմի ղեկավար:

Իսկ ավելի վաղ Սերժ Սարգսյանը Պաշտպանության նախարարի պաշտոնում նշանակել էր Սեյրան Օհանյանին, Արտաքին գործերի նախարարի պաշտոնում` Էդվարդ Նալբանդյանին:

Հիշեցնենք, որ Կառավարության կազմը քննարկվել է երեկ կայացած ՀՀԿ գործադիր մարմնի եւ խորհրդի նիստում:

Յուրի Վարդանյան (կենսագրական համառոտ տվյալներ)

Ծնվել է 1956թ. հունիսի 13-ին, Լենինական քաղաքում: 1974-1980թթ. սովորել է Լենինականի Մ. Նալբանդյանի անվան պետական մանկավարժական ինստիտուտի ֆիզիկական դաստիարակության ֆակուլտետում՝ ստանալով Ֆիզիկական կուլտուրայի ուսուցչի մասնագիտություն: 1984-1987թթ. սովորել է Երեւանի ժողովրդական ինստիտուտի «Ժողովրդական տնտեսության պլանավորում» ֆակուլտետը եւ ստացել տնտեսագետի որակավորում: Զուգահեռաբար մասնակցել է ծանրամարտի գծով Եվրոպայի, Աշխարհի, Օլիմպիական խաղերին, ԽՍՀՄ առաջնություններին: Եղել է ԽՍՀՄ բազմակի, Աշխարհի 9-ակի, Եվրոպայի 8-ակի չեմպիոն, օլիմպիական խաղերի չեմպիոն, աշխարհի 43 ռեկորդների հեղինակ:

1973-1974թթ. աշխատել է Լենինականի վագոնային դեպոյում՝ որպես հրահանգիչ: 1986-1988թթ. եղել է Լենինականի արհմիությունների սպորտընկերության նախագահը: 1989-1991թթ. եղել է Արհմիությունների հանրապետական սպորտընկերության նախագահը: 1991-1993թթ. եղել է ԱՄՆ-ի ծանրամարտի հավաքականի խորհրդատու-մարզիչը: 1994-1997թթ. եղել է ԱՄՆ-ի պրոֆեսիոնալ բասկետբոլի «Չիկագո-Բուլս» թիմի ֆիզիկական պատրաստվածության գծով մարզիչը: 1998-2002թթ. եղել է «Գյումրի հայրենակցական միության» նախագահը: 2003-2008թթ. եղել է Կալիֆորնիայի «Հայերի միության» նախագահը:

Մինչ ՀՀ սպորտի եւ երիտասարդության հարցերի նախարար նշանակվելը եղել է Հայաստանի Հանրապետության Նախագահի խորհրդականը:

Պետական պարգեւներ եւ մրցանակներ

1985թ. Լենինի շքանշանակիր, 1980թ. «Աշխատանքային կարմիր դրոշի» շքանշանակիր, 2008թ. Սուրբ Մեսրոպ Մաշտոցի շքանշանակիր, 2008թ. ԼՂՀ Մեսրոպ Մաշտոցի շքանշանակիր, ԽՍՀՄ սպորտի վաստակավոր վարպետ:

Ամուսնացած է, ունի երեք որդի:

Վահրամ Ավանեսյան (կենսագրական համառոտ տվյալներ)

Վահրամ Ավանեսյան ծնվել է 1962թ. հունվարի 18-ին Երեւան քաղաքում:

Նա 1978-1983 թթ. սովորել է Երեւանի ժողովրդական տնտեսության ինստիտուտի տնտեսագիտական կիբեռնետիկայի ֆակուլտետում, տնտեսագետ-մաթեմատիկոս է:

1983-1986 թթ. Սովորել է Երեւանի ժողովրդական տնտեսության ինստիտուտի ասպիրանտուրայում:

Մասնագիտական փորձ՝

Մինչեւ 2001-ին էկոնոմիկայի նախարար նշանակվելը «ԱՎԱԳ Սոլյուշնս» ՍՊԸ տնօրեն, «Մանեքս եւ Վալեքս» ՓԲԸ գործադիր տնօրենի տեղակալ, Ներդրումների գծով տնօրեն

1998-1999 թթ – ՀՀ տնտեսական եւ կառուցվածքային բարեփոխումների նախարար

1997-1998 թթ - ՀՀ վարչապետի գլխավոր խորհրդական

1996-1997թթ - ՀՀ էկոնոմիկայի նախարար

1993-1996 թթ - ՀՀ ֆինանսների նախարարի առաջին տեղակալ

Առանձին երկրներում համապատասխան փորձառություն՝