նախընտրելի դարձնել«Բարգավաճ Հայաստան» կուսակցության նախագահ Գագիկ Ծառուկյանը շնորհավորական ուղերձ է հղել Հաղթանակի օրվա կապակցությամբ:
Ուղերձում ասվում է.
«Հարգելի հայրենակիցներ,
Շնորհավորում եմ ձեզ հաղթանակի օրվա առիթով: Մեր ժողովրդի մայիսյան հաղթանակների բերկրանքը հպարտությամբ է լցնում բոլորիս սրտերը: Հայ ժողովուրդը լավ գիտե խաղաղության գինը եւ թե որքան թանկ են խաղաղ աշխատանքի եւ ստեղծագործության պտուղները:
Բայց միշտ, երբ հայրենիքը եղել է վտանգի մեջ եւ զգացել է իր որդիների մաքառման կարիքը, մեր ամբողջ ժողովուրդը՝ մեծ թե փոքր, կին թե տղամարդ ոտքի է ելել եւ մինչեւ վերջ կատարել է իր պարտքը: Սրտանց ողջունում եմ Հայրենական Մեծ Պատերազմի հայ վետերաններին, ում շնորհիվ հնարավոր դարձավ ջախջախել ֆաշիզմը:
Սրտանց ողջունում եմ նաեւ Արցախյան հերոսամարտի մասնակիցներին, ում շնորհիվ Լեռնային Ղարաբաղի Հանրապետության ժողովուրդը ստացել է խաղաղ ապրելու ու արարելու հնարավորություն:
Բոլորին մաղթում եմ անկոտրում կամք, առողջություն ու երկար տարիների կյանք:
Խաղաղություն ու բարգավաճում ձեր ընտանիքներին»:
