նախընտրելի դարձնելՀայաստանի ռուսական ռազմակայանը նոր սպառազինություն եւ ռազմական տեխնիկա է ստանում: Մասնավորապես, առաջիկայում կստացվեն ԱՑ-6-40 ավտոցիստեռններ: Նոր հատուկ մեքենա է ստեղծվել բարձր անցանելիությամբ ԿամԱզ 43118-ի հիմքով:
Կապավորները կստանան արբանյակային կապի նորագույն բջջային կայան:
Ընթացիկ տարում կառավարման համար նախատեսված շարժական նոր կետեր կստանան զենիթահրթիռային ստորաբաժանումները, ասված է ՌԴ ՊՆ հաղորդագրությունում: Նոր համալիրները հնարավորություն են ընձեռում մինչեւ 100 կմ շառավղով 100-ից ավելի օդային թիրախներ հայտնաբերել եւ միաժամանակ հետապնդել դրանցից տասին:
Մոտոհրաձգային, հետախուզական, հրետանային եւ այլ ստորաբաժանումների անձնակազմերը ուսումնառության ընթացքում առաջին անգամ կկիրառեն «Պերունիտ», «Գրոտ» եւ «Բրիզ» ժամանակակից նավիգատորներ:
Նավիգացիոն նոր սարքավորումները մեծ հաճախականություն ունեն, ազդանշանի բարձր կայունություն, կոորդինատների տարբերակման եւ սնուցման աղբյուրների ռեսուրսների մեծացման բարձր ճշգրտություն:
