նախընտրելի դարձնելԱֆղանստանում սպանված գրոհայինների դիակներին միզած ամերիկյան ծովային հետեւակների հրամանատարը հանձնվելու է տրիբունալին: Այդ մասին հայտնել է Ծովային հետեւակների կորպուսի մամուլի ծառայությունը:
ԱՄՆ-ի Ծովային հետեւակների կորպուսի սպա, կապիտան Ջեյմս Կլեմենտը մեղադրվում է զինվորական պարտքը խախտելու, սպայի կոչմանն անհարիր պահվածքի եւ իր պարտականությունները ոչ պատշաճ կերպով կատարելու մեջ, հաղորդում է ԻՏԱՌ-ՏԱՍՍ-ը:
Այս գործի նախնական լսումները տեղի են ունեցել ապրիլին` Քեմփ Լեժեն ամերիկյան կայանում:
Հիշեցնենք, որ 2011թ. հուլիսին Հիլմենդ նահանգում ամերիկացի հինգ զինծառայողներ անարգել էին թալիբների դիակները: Տեսագրությունը, որտեղ երեւում էր, թե ինչպես են նրանք միզում սպանված թալիբների դիակների վրա, անցյալ տարվա հունվարին հայտնվել էր համացանցում եւ համընդհանուր զայրույթ առաջացրել:
Ռազմական տրիբունալը մեղավոր էր ճանաչել երկու զինծառայողի: Երեք այլ զինծառայողներ նկատողություն էին ստացել:
