ՆախընտրելիՄայիսի 13-ի վաղ առավոտյան չինացի զինվորականները հարավարեւմտյան Սիչուան նահանգի Սիչան տիեզերակայանում նոր հակաարբանյակային հրթիռի փորձարկում են իրականացրել, հայտնում է The Washington Free Bacon-ը` վկայակոչելով ԱՄՆ-ի պաշտոնատար անձանց:
Չինաստանի տիեզերական հետազոտությունների ազգային կենտրոնը մեկնաբանել է երկնքում անհայտ թռչող սարքի հայտնվելը, որը տեսել են Չինաստանի մի քանի քաղաքների բնակիչները: China Daily-ն հայտնում է, որ կենտրոնի գիտնականները տիեզերական սարքի փորձարկում են իրականացրել:
Սակայն, ըստ ամերիկյան աղբյուրների պնդման, Չինաստանն իրականացրել է Dong Ning- 2 ASAT հրթիռի փորձարկում: Չինաստանի արտգործնախարարի մամուլի քարտուղար Գոնգ Լին Պեկինում լրագրողների հետ ճեպազրույցի ժամանակ չի հերքել նոր հակաարբանյակային հրթիռի փորձարկման լուրը:
Հատկանշական է, որ ենթադրյալ փորձարկումներն իրականացվել են ԱՄՆ-ի պաշտպանության նախարարության զեկույցի հրապարակումից մեկ շաբաթ անց, որտեղ ասված էր Չինաստանի ռազմական ներուժի աճի եւ հակահրթիռային պաշտպանության ոլորտում Չինաստանի վերջին զարգացումների մասին:
DN-2 հակաարբանյակային հրթիռը կարող է ոչնչացնել թիրախը` գտնվելով 12000 – 22000 կմ բարձրությունում: Այդ բարձրության վրա են գտնվում ԱՄՆ-ի եւ շատ այլ երկրների բազմաթիվ ռազմական, հետախուզական եւ առեւտրային արբանյակներ:
