Գերմանիայում բախվել են երկու թեթեւշարժիչային ինքնաթիռներ: Զոհվել է երկու մարդ: 

Օդում բախվել են  Cessna 172-ը եւ Katana-ն: Ինքնաթիռներից մեկն առանց թեւի է մնացել, իսկ հետո  ընկել ցած: Զոհվել են 73-ամյա օդաչուն եւ նրա ուղեւորը: Մյուս ինքնաթիռն արտակարգ վայրէջք է կատարել, 51-ամյա օդաչուն թեթեւ վնասվածքներ է ստացել, նրա կինը չի տուժել:

Գետին ընկած բեկորները որոշ ժամանակով կաթվածահար էին արել գնացքների երթեւեկությունը Քեմփտեն եւ Պֆրոնտեն քաղաքների միջեւ: Ոստիկանությունը ճշտում է  պատահարի հանգամանքները, հաղորդում է ՆՏՎ-ն: