նախընտրելի դարձնելՀայաստանի երիտասարդական հիմնադրամի Վայոց ձորի մարզային կենտրոնն անցկացնում է բատիկայի դասընթացներ անապահով երիտասարդների համար։
Այս ծրագիրը հնարավորություն կտա երիտասարդներին ստանալու լրացուցիչ մասնագիտություն, սովորելու նոր արհեստ: Բացի այդ, կան շատ շնորհալի երիտասարդներ, ովքեր սոցիալապես անապահով են եւ հնարավորություն չունեն մասնակցելու այս կամ այն դասընթացի` ֆինանսական խնդիրների պատճառով:
Ծրագիրը նպատակ ունի օգնել հատկապես անապահով ընտանիքների երիտասարդներին՝ ստանալու նոր մասնագիտություն, որը պահանջարկ կունենա ոչ միայն տվյալ մարզում, այլեւ ցանկացած քաղաքում:
Բատիկայի դասընթացներն անցկացվում են ապրիլի 1-ից մինչեւ հունիսի 30-ը՝ անվճար հիմունքներով։ Դասընթացներն իրականացվում են շաբաթական երկու օր պարբերականությամբ, յուրաքանչյուրը` 2 ժամ տեւողությամբ: Մասնակիցները ծանոթանում են բատիկայի տեսակներին, գործիքներին եւ տեխնիկային: Ծրագիրն ունի ինչպես տեսական, այնպես էլ գործնական մաս:
Դասընթացի ավարտից հետո կկազմակերպվի երիտասարդների աշխատանքների ցուցահանդես:
