նախընտրելի դարձնելՄայիսի 26-ին, ժամը 05.30-ին, ոստիկանության Ստեփանավանի բաժնի ծառայողները, ապօրինի ծառահատումների դեպքերը կանխելու նպատակով կատարված գիշերային շրջագայության ժամանակ, Ստեփանավան-Վանաձոր ճանապարհի 14-րդ կմ-ին ստուգման են ենթարկել 29-ամյա Էդվարդ Ս.-ի վարած «ԶԻԼ-43161» մակնիշի ավտոմեքենան, որը բեռնված է եղել մոտ 12 խմ փայտանյութով:
Էդվարդ Ս.-ն նշված փայտանյութի վերաբերյալ փաստաթուղթ չի ներկայացրել և հայտարարել է, որ փայտանյութը ձեռք է բերել 23-ամյա Արտակ Թ.-ից:
Փայտանյութն առգրավված է:
Նշանակվել է մասնագիտական ստուգում: Կատարվում է հետաքննություն:
Նույն օրը, ժամը 05.30-ին, ոստիկանության Ստեփանավանի բաժնի ծառայողները, ապօրինի ծառահատումների դեպքերը կանխելու նպատակով կատարված գիշերային շրջագայության ժամանակ, Ստեփանավան-Վանաձոր ճանապարհի 14-րդ կմ-ին ստուգման են ենթարկել 25-ամյա Սամվել Է.-ի վարած «Ֆորդ տրանզիտ» մակնիշի ավտոմեքենան, որը բեռնված է եղել մոտ 3 խմ փայտանյութով:
Սամվել Է.-ն փայտանյութի վերաբերյալ փաստաթուղթ չի ներկայացրել և հայտարարել է, որ փայտանյութը հատել է Լորուտ գյուղի հարակից ձորից:
Փայտանյութն առգրավված է:
Նշանակվել է մասնագիտական ստուգում:
Կատարվում է հետաքննություն:
