նախընտրելի դարձնելԹուրքական լրատվամիջոցները հայտնում են անկագություննեի երկրորդ զոհի մասին. երիտասարդը վախճանվել է հունիսի 3-ի երեկոյան` հիվանդանոցում, հրազենային վերքից:
Զոհված 22-ամյա Աբդուլա Քոմերթը վիրավորվել էր երկրի հարավում գտնվող Հաթայ նահանգի անկարգությունների ժամաակ, հաղորդում է «ՌԻԱ Նովոստին»: Թուրքիայի ընդդիմադիր Հանրապետական ժողովրդական կուսակցության (CHP) պատգամավոր Հասան Ակգոլը հայտնել է, որ զոհված Աբդուլա Քոմերթը կուսակցության երիտասարդական թեւի անդամ էր, գրում է lenta.ru-ն:
Ավելի վաղ հաղորդվել էր նաեւ ցույցի ժամանակ տուժած մի այլ երիտասարդի մահվան մասին: Նա վիրավորվել էր հունիսի 2-ին` Ստամբուլում:
Ըստ CNN-ի` Թուրքիայում անկարգությունների հետեւանքով տուժածների թիվը կազմում է առնվազն 3195 մարդ, որոնցից 25-ը ծանր վիճակում են:
Հիշեցնենք, որ Թուրքիայում մի քանի օր է շարունակվում են բողոքի ցույցերը` Ստամբուլի Թաքսիմ հրապարակում «Գեզի» այգուծառահատման եւ այդ վայրում առեւտրի եւ զվարճանքի համալիր կառուցելու վերաբերյալ իշխանությունների որոշման պատճառով:
Բողոքողներին աջակցում են Թուրքիայի նահանգների կեսը եւ Եվրոպայում ապրող թուրքերը: Բնապահպանական կոչերը փոխարինվել են քաղաքականով` Էրդողանի հրաժարականի պահանջով: Էրդողանն անձամբ մի քանի անգամ հայտարարել է, որ Թաքսիմ հրապարակի վերակառուցման որոշումը չի վերանայվելու:
