նախընտրելի դարձնելՄինչ Թուրքիայի վարչապետ Ռեջեփ Թայիփ Էրդողանն ակտիվորեն քննադատում էր Սիրիայի, Լիբիայի եւ մի շարք այլ երկրների իշխանություններին, Թուրքիայի ներսում վերջին իրադարձությունները ցույց տվեցին, որ այդ ամենը բավական սուր կերպով առկա է նաեւ հենց Թուրքիայում: Այս մասին, այսօր՝ հունիսի 4-ին, մամուլի ասուլիսի ժամանակ նշեց ԵՊՀ արեւելագիտության ֆակուլտետի փոխդեկան, թուրքագետ Ռուբեն Մելքոնյանը:
Նրա համոզմամբ՝ վերջին ժամանակներս Թուրքիան շատ է ակտիվացել տարածաշրջանում: «Կարծում եմ, որ Թուրքիայում բողոքի ակցիաներն էապես կարող են վնասել Անկարայի իբր խաղաղապահի իմիջին: Տարածաշրջանի երկրները, որոնք լրջորեն տուժել են Թուրքիայի այդ իմիջից, լավ առիթ են ստացել համարժեք պատասխանի համար»,-նշեց թուրքագետը:
