նախընտրելի դարձնելՀունիսի 3-ին, ժամը 16.50-ին, ոստիկանության Չարբախի բաժանմունքի ծառայողները, թմրամիջոց պատրաստելու եւ պահելու կասկածանքով, Շարուրի փողոցի բնակարաններից մեկից բերման են ենթարկել 1969 թ. ծնված Սուրեն Ս.-ին եւ 1969 թ. ծնված Ռոբերտ Շ.-ին:
Ոստիկանության լրատվության վարչությունից հայտնում են, թե բնակարանի զննությամբ` խոհանոցի պահարանի վրայից, հայտնաբերվել է դեղահաբի դատարկ տուփ, ներարկիչներ, շշեր եւ սրվակներ` տարբեր զանգվածներով ու նյութերի հետքերով, եւ թմրամիջոց պատրաստելու այլ պարագաներ:
Ռոբերտ Շ.-ն հայտնել է, որ ներարկիչներում եղածը «Սոլպադեին» դեղահաբից պատրաստված թմրամիջոց է, որը Սուրեն Ս.-ի հետ պատրաստել է միասին օգտագործելու համար:
Հայտնաբերվածն ուղարկվել է փորձաքննության:
Կատարվում է հետաքննություն:
