նախընտրելի դարձնելՀունիսի 5-ին, ժամը 21.00-ի սահմաններում, Երեւանի Էստոնական փողոցի թիվ 11 շենքի մոտ իրար են բախվել «ԳԱԶել-32213» եւ «Մերսեդես-Բենց» մակնիշի ավտոմեքենաներ:
Բախման հետեւանքով «ԳԱԶել-32213»-ի ուղեւորուհին մարմնական վնասվածքներով տեղափոխվել է հիվանդանոց:
Ոստիկանության լրատվության վարչությունից հայտնում են, թե հունիսի 6-ին, ժամը 00.30-ի սահմաններում, Երեւանի Լենինականի փողոցում գտնվող «Շանթ» գործարանի մոտ «Օպել» մակնիշի ավտոմեքենան բախվել է էլեկտրասյանը, ինչի հետեւանքով վարորդը եւ ուղեւորը մարմնական վնասվածքներով տեղափոխվել են հիվանդանոց:
Հունիսի 5-ին, ժամը 23.00-ի սահմաններում, Երեւանի Սասունցի Դավթի, Արցախի փողոցների եւ Տիգրան Մեծի պողոտայի խաչմերուկում իրար են բախվել «ՎԱԶ-1193» եւ «Ֆոլքսվագեն» մակնիշի ավտոմեքենաներ:
«ՎԱԶ-1193»-ի վարորդը եւ «Ֆոլքսվագեն»-ի ուղեւորը մարմնական վնասվածքներով տեղափոխվել են հիվանդանոց:
Բոլոր դեպքերով կատարվում է քննություն:
