նախընտրելի դարձնելԱմերիկացի մեդիամագնատ, 82-ամյա Ռուպերտ Մերդոքն ամուսնալուծվում է իր երրորդ կնոջից` Վենդի Դենգից: Ամուսնալուծության փաստաթղթերում նա որպես պատճառ է նշել «անլուծելի տարաձայնությունները»: Մինչդեռ, լրատվամիջոցներում լուրեր են հայտնվել Բրիտանիայի նախկին վարչապետ Թոնի Բլերի հետ Դենգի սիրային կապի մասին:
Մերդոքն ու Դենգը ծանոթացել էին 1997թ., իսկ 1999թ. Մերդոքի եւ Աննա Մարիա Տորվի ամուսնալուծությունից երեք շաբաթ անց ամուսնացել էին: Մերդոքի եւ Տորվի ամուսնալուծությունն ամենաթանկն էր պատմության մեջ. գործարարը նախկին կնոջը ստիպված է եղել վճարել 1,7 միլիարդ դոլար: 82-ամյա Մերդոքն ու 44-ամյա Դենգն ունեն երկու դուստր` Գրեյսը եւ Քլոյան: Աղջիկներին է պատկանում GCM Trust ընտանեկան հիմնադրամի 8,73 միլիոն բաժնետոմս, որոնց արժեքը կազմում է 270 դոլար, գրում է dni.ru-ն:
Թոնի Բլերի ներկայացուցիչը ժխտում է Դենգի հետ ունեցած սիրավեպի փաստը: Ներկայացուցիչն այդ մասին հայտնել է The Hollywood Reporter-ին տված հարցազրույցում, գրում է gazeta.ru-ն:
Բլերը կնոջ` Շերիի հետ ապրել է 23 տարի, նրանք ունեն չորս երեխա: Լեյբորիստը Բրիտանիայի վարչապեն է եղել 1997-2007թթ.:
Սա Միացյալ Թագավորության քաղաքական շրջանակներում անհավատարիմ ամուսնության միակ միջադեպը չէ: Ավելի վաղ հայտնի էր դարձել, որ վարչապետ Դեյվիդ Քեմերոնի կինը դավաճանել է նրան Լոնդոնի քաաքապետ Բորիս Ջոնսոնի հետ:
