ՆախընտրելիՎրաստանի արտգործնախարար Գրիգոլ Վաշաձեն կտրականապես բացառում է Հայաստանի համար նախատեսված ռազմական բեռների՝ «Վերին Լարսի» հսկիչ-անցագրային կետով անցնելը։ Այս մասին նա հայտարարել է՝ մեկնաբանելով ադրբեջանական կողմի այն անհանգստությունը, որ այդ ճանապարհով Ռուսաստանը կարող է զենք եւ զինամթերք փոխադրել Հայաստան։
«Ես հասկանում եմ իմ ադրբեջանցի գործընկերոջ անհանգստությունը, սակայն ուզում եմ հայտարարել, որ ոչ մի փամփուշտ Լարսով չի անցնի»,- Վաշաձեի խոսքերն է հաղորդում Վրաստան Online-ը։
Հիշեցնենք, որ Բաքուն անհանգստություն էր հայտնել «Վերին Լարսի» հսկիչ-անցագրային կետի բացման առնչությամբ։ Ադրբեջանի արտգործնախարար Էլմար Մամեդյարովի խոսքով, իր երկիրը կարձագանքի այն դեպքում, եթե Ռուսաստանը Լարսի տարածքով զենք տրամադրի Հայաստանին։
