նախընտրելի դարձնել
Թայլանդի հյուսիսարեւելյան Սակոնաքհոն նահանգում ոստիկանները շներով բեռնված բեռնատար են կանգնեցրել: Մաքսանենգները կենդանիներին մտադրվել էին տանել Վիետնամ, որտեղ վերջիններս ռեստորանային նրբահամ խորտիկներ էին դառնալու:
Մեքենայի բեռնաթափքում, որը վանդակապատ էր, ոստիկանները հաշվել են 70 շների: Դրանցից շատերը տեղափոխման անհարմարությունների պատճառով լուրջ վնասվածքներ ունեին: ՃՈ վարչությունից հայտնել են, որ բոլոր շներն ուղարկվել են տեղական շնաբուծարաններ եւ հանձնվել մասնագետների խնամքին, գրում է ԻՏԱՌ-ՏԱՍՍ-ը:
Թայլանդից Վիետնամ մաքսանենգ ճանապարհով շների տեղափոխումը վերջերս լայն տարածում է ստացել բարձր եկամտաբերության շնորհիվ: Թայլանդում մեկ շան արժեքը մոտ 10 դոլար է, այն դեպքում, երբ վիետնամական ռեստորանները պատրաստ են տասնապատիկը վճարել:
