նախընտրելի դարձնել
ԱՄՆ-ի փոխնախագահ Ջոզեֆ Բայդենը չի բացառում 2016թ. նախագահական ընտրություններին մասնակցելու հնարավորությունը:
«Ես կարող եմ երջանիկ մեռնել, քանի որ երբեք չեմ եղել ԱՄՆ-ի նախագահ: Սակայն դա չի նշանակում, որ չեմ մասնակցելու ընտրություններին», - ասել է նա GQ ամերիկյան ամսագրի հետ հարցազրույցում:
Սպիտակ տան աշխատակազմի երկրորդ անձն ընդգծել է, որ որոշումը մի քանի գործոններով կլինի պայմանավորված, գրում է NEWSru.com-ը:
«Նախ՝ կունենամ արդյոք այնքան ուժ եւ էներգիա, ինչպես հիմա: Երկրորդ՝ արդյոք ինձ լավագույն թեկնածուն կհամարեմ»,- ասել է Բայդենը:
Խմբագրությունն իր հերթին նշում է, որ Բայդենը կառաջադրվի, եթե դա չանի մեկ այլ դեմոկրատ Հիլարի Քլինթոնը:
Բայդենն այժմ 70 տարեկան է, երկու անգամ մասնակցել է նախագահական մրցապայքարին՝ 1988 եւ 2008թթ. եւ երկու դեպքում էլ պարտվել:
