Ներկայում Թուրքիայի տարածքում գտնվող Վանի հայտնի եկեղեցիներից, սակայն մինչ վերջին ժամանակները գաղտնի պահված Սուրբ Թովմաս եկեղեցին բացվել է այցելությունների համար (ֆոտոռեպորտաժ):

NEWS.am-ի ֆոտոխցիկը ֆիքսել է Վանի Սուրբ Թովմաս եկեղեցու գեղեցկությունը: Թեեւ  գտնվում է դժվարամատչելի վայրում, Սուրբ Թովմասը նույնպես ենթարկվել է գանձ որոնողների բարբարոսություններին  եւ գտնվում է փլուզման եզրին:

Շրջակա գյուղերի բնակիչները պնդում են, թե իրենք կողմ են որպեսզի այդ եկեղեցին վերանորոգվի եւ բացվի այցելուների առաջ վերանորգված տեսքով եւ կարգի բերված ճանապարհով:

Վանա լճի հարեւանությամբ գտնվող Սուրբ Թովմասը գտնվում է Վանի Ոստան (Գեւաշ) գավառում: Եկեղեցին կառուցվել է 10-11-րդ դարերում: Նշվում է, որ այնտեղ են պահպանել Քրիստոսի աշակերտներից Սուրբ Թովմասի մասունքները:

Հայտնի է, որ եկեղեցին վերանորոգվել է 1671 թվականին: Այն 18–րդ դարում կողոպտվել է, իսկ մեկ դար անց վերջնականապես դատարկվել: