նախընտրելի դարձնել
Շոտլանդիայում հյուրանոց են բացել` նվիրված 007 գործակալ Ջեյմս Բոնդին, գրում է The Daily Telegraph-ը: Հինգաստղանի Isle of Eriska Hotelժը գտնվում է Շոտլանդիայի արեւմտյան մերձափնյա շրջանում:
Էդինբուրգ ժամանած այցելուներին Aston Martin DB9 մեքենայի բանալիներ են հանձնելու եւ առաջարկվող երթուղով քարտեզ: Այդ ճանապարհորդության ընթացքում զբոսաշրջիկները կտեսնեն այն վայրերը, որտեղ նկարահանվել է «007. Սքայֆոլի կոորդինատները» ֆիլմը, հաղորդում է Gazeta.ru-ն:
Բացի դրանից, հյուրանոցի հյուրերին արագանավերով դեպի կղզի շրջագայություններ կառաջարկեն, իսկ երեկոյան զբոսաշրջիկները կարող են այցելել 007 գործակալի հայտնի կոկտեյլի պատրաստման վարպետաց դասերի: Հյուրանոցում մնալու ծրագիրն ընդգրկում է նաեւ այցելություն այն վայրեր, որտեղ նկարահանվել են «Սիրով` Ռուսաստանից» եւ «Լրտեսը, որն ինձ սիրում էր» ֆիլմերը: Ծառայությունն արժե 1,5 հազար ֆունտ ստեռլինգ:
