Երեւանի Ծովակալ Իսակովի պողոտայում  օգոստոսի 2-ին, ժամը 08.30-ին,  «Շկոդա»  մակնիշի ավտոմեքենա է բախվել  ճամփեզրին կայանված  «Ֆորդ»  մակնիշի ավտոմեքենային, ինչի հետեւանքով «Ֆորդ»-ը, ինքնաբերաբար շարժվելով, բախվել է ծառի:

Ոստիկանության լրատվության վարչությունից հայտնում են, թե «Շկոդա»-ի 2 ուղեւորները  մարմնական վնասվածքներով տեղափոխվել են հիվանդանոց:

Օգոստոսի 2-ին, ժամը 17.00-ին, Երեւանի Չարենցի փողոցի թիվ 93 տան դիմաց «Սեատ»  մակնիշի ավտոմեքենա է բախվել    «Կիա»  մակնիշի ավտոմեքենայի:

Ոստիկանության լրատվության վարչությունից հայտնում են, թե «Սեատ»-ի 47-ամյա  ուղեւորուհին մարմնական վնասվածքներով տեղափոխվել է հիվանդանոց:

Օգոստոսի 2-ին, ժամը 23.30-ին, Նորագավիթի 1-ին եւ 6-րդ փողոցների խաչմերուկում «Սամանդ»  մակնիշի ավտոմեքենա է բախվել  «Միցուբիշի»  մակնիշի ավտոմեքենայի:

Ոստիկանության լրատվության վարչությունից հայտնում են, թե պատահարի հետեւանքով «Միցուբիշի»-ի ուղեւորուհին մարմնական վնասվածքներով տեղափոխվել է հիվանդանոց:

Բոլոր դեպքերով կատարվում է քննություն: