Քաղաքապետարանի ենթակայությամբ գտնվող բուժհաստատություններում իրականացվող «Երեւնայն ամառ» ծրագրի շրջանակում  մայրաքաղաքի բնակիչները կարող են անվճար մասնագիտացված բուժզննություն անցնել: Այս մասին NEWS.am-ի թղթակցին ասաց Երեւանի քաղաքապետարանի մամուլի քարտուղար Արթուր Գեւորգյանը` ի պատասխան հարցի, թե որն է ակցիայի էությունը, եթե առանց այդ էլ մայրաքաղաքի պոլիկլինիկաներում զննությունն ու հետազոտությունն  անվճար է :

Նրա խոսքով` պոլիկլինիկա այցելած եւ տարածքային թերապեւտի կողմից  ուղեգիր ստացած ցանկացած բնակիչ մասնագիտացած բուժհաստատություններում կարող է լրացուցիչ հետազոտություն անցնել եւ, անհրաժետության դեպքում,  անվճար բուժում ստանալ:

NEWS.am-ի հետ զրույցում կարդիոլոգիայի գիտահետազոտական ինստիտուտի վիրաբույժ Հայկ Կամայանն ասել է, որ ծրագրի շրջանակում արդեն իրենց այցելել են հիվանդներ, որոնց անվճար խորհրդատվություն է տրամադրվել, ինչպես նաեւ համապատասխան հետազոտություն են անցել: