Առանձնապես խոշոր չափերով խարդախություն կատարելու մեղադրանքով 2012 թ. ապրիլի 13-ից ոստիկանության Տարոնի բաժնի կողմից ՀՀ քրեական օրենսգրքի 178 հոդվածի 3-րդ մասի 1-ին կետի եւ 316 հոդվածի 1-ին մասի հատկանիշներով հետախուզում էր հայտարարվել 1964թ. ծնված Սուսաննա Պապոյանի նկատմամբ: Մի քանի ամիս անց, նրա նկատմամբ Ինտերպոլի ուղիներով հայտարարվել է միջազգային հետախուզում:

Հայաստանի Ինտերպոլի ԱԿԲ-ից հայտնում են, թե հետախուզվողին հայտնաբերելու ուղղությամբ ՀՀ-ում Ինտերպոլի ԱԿԲ-ի կողմից ձեռնարկվել են համապատասխան միջոցառումներ, որոնց արդյունքում, կարճ ժամանակ անց, հետախուզվողը ձերբակալվել է Հունաստանի Հանրապետության Սալոնիկ քաղաքում եւ 2013 թ. օգոստոսի 23-ին ՀՀ ոստիկանության ՔՀԳ վարչության եւ ՀՀ-ում Ինտերպոլի եւ ԱԿԲ-ի համատեղ օպերատիվ խմբի կողմից Հունաստանի Հանրապետությունից Աթենք-Մոսկվա-Երեւան թիվ 1866 չվերթի ինքնաթիռով տեղափոխվել է Հայաստանի Հանրապետություն: