նախընտրելի դարձնել
Հայաստանի անկախության տոնի կապակցությամբ մայրաքաղաքի վարչական բոլոր շրջաններում կազմակերպվում են տոնական միջոցառումներ:
Երեւանի քաղաքապետարանի տեղեկատվության եւ հասարակայնության հետ կապերի վարչությունից հայտնում են, թե Նոր Նորք վարչական շրջանում Անկախության օրը նշվել է համերգային մեծ ծրագրով, որին մասնակցել են երաժշտական դպրոցների եւ մշակույթի կենտրոնի սաները:
Գայի արձանի հարակից հատվածում կազմակերպվել է նաեւ ձեռարվեստի եւ նկարչական աշխատանքների ցուցադրություն:
Արաբկիր վարչական շրջանի Վահագն Դավթյանի անվան զբոսայգում տոնական միջոցառումանը ներկայացվել է հայկական ազգային երգ ու պար: Զուգահեռ միջոցառումներ են անցկացվել նաեւ վարչական շրջանի պուրակներում եւ բակերում:
Տոնական միոցառումները վարչական շրջաններում շարունակվել են մինչեւ ուշ երեկո եւ եզրափակվել հրավառությամբ:
