Երեւան է ժամանել Թալիշական շարժման առաջնորդ, 1993թ․ Թալիշ-Մուղանյան Հանրապետության նախագահ Ալաքրամ Ալաքբարի Հումմաթզոդան (հանրությանն առավել հայտնի գնդապետ Հումմաթով անունով:

Այցի հիմնական նպատակը ԵՊՀ իրանագիտության ամբիոնում «Թալիշագիտություն» մագիստրական ծրագրի բացման հանդիսավոր արարողությանը մասնակցելն ու դասախոսությամբ հանդես գալն է: Միջոցառումը կսկսվի ԵՊՀ Չարենցի անվան լսարանում, սեպտեմբերի 24-ին, ժամը 13.00-ին:

Ալաքրամ Հումմաթզոդան թալիշական ազատագրական շարժման մեջ հանդիսանում է առավել կշռադատված քայլերի կողմնակից եւ Թալիշստանի անկախության հասնելու ճանապարհը տեսնում է Ադրբեջանի Հանրապետության կոնֆեդերացման մեջ՝ անհրաժեշտության դեպքում ընդհուպ մինչեւ լիակատար անկախություն:

Հայաստանյան այցի ընթացքում Ա. Հումմաթզոդան հանդիպումներ կունենա ՀՀ հասարակական-քաղաքական եւ գիտական շրջանների ներկայացուցիչների հետ: Այցի երկու օրերը նա անցկացնելու է Արցախում: Նախատեսվում է նաեւ հանդիպում Արցախի պետական համալսարանում, որտեղ հանդես կգա դասախոսությամբ: