նախընտրելի դարձնել
Երեւանի Գ.Նժդեհ փողոցի եւ Արշակունյաց պողոտայի խաչմերուկում՝ «Հայրենիք» կ/թ մոտակայքում այսօր՝ սեպտեմբերի 26-ին, վաղ առավոտյան խոշոր վթար է եղել, որի հետեւանքով կա զոհ եւ վիրավորներ:
NEWS.am-ը Արտակարգ իրավիճակների նախարարությունից տեղեկանում է, որ սեպտեմբերի 26-ին, ժամը 06.38-ին ահազանգ է ստացվել, որ Երեւանի Գ.Նժդեհ փողոցի եւ Արշակունյաց պողոտայի խաչմերուկում՝ «Հայրենիք» կ/թ մոտակայքում տեղի է ունեցել վթար. «Մերսեդես» մակնիշի ավտոմեքենան բախվել է «Գազ 53» մակնիշի ավտոմեքենային, կան տուժածներ. անհրաժեշտ է փրկարարների օգնությունը:
Դեպքի վայր է մեկնել ՀՆՓԱԻԿ-ի փրկրարար ջոկատը:
Պարզվել է, որ դեռեւս չբացահայտված հանգամանքներում «Մերսեդես SLK230» մակնիշի 77 AN 177 պ/հ ավտոմեքենան վրաերթի է ենթարկել Ա. Ս-ին (ծնվ.1953 թ.) եւ բախվել ճամփեզրին կայանված «Գազ 53» մակնիշի 824 LS 68 պ/հ ավտոմեքենային:
Մինչ փրկարարների դեպքի վայր հասնելը «Մերսեդես» մակնիշի ավտոմեքենայի վարորդը, եւ վրաերթի ենթարկված Ա. Ս-ը, «Գազ 53» մակնիշի ավտոմեքենայի ուղեւոր` Վ. Գ-ը (ծնվ. 1944թ.) տարբեր աստիճանի մարմնական վնասվածքներով հոսպիտալացվել են «Էրեբունի» բժշկական կենտրոն:
Փրկարարները հոսանքազրկել են ավտոմեքենան: «Մերսեդես» մակնիշի ավտոմեքենայից դուրս են բերել ուղեւորին, ով տարբեր աստիճանի մարմնական վնասվածքներով հոսպիտալացվել է «Էրեբունի» բժշկական կենտրոն, որտեղ էլ Ա. Ս-ը մահացել է:
Բժիշկները տուժածների առողջական վիճակը գնատում են ծայրահեղ ծանր եւ կայուն ծանր:
Նշենք, որ վթարի հետեւանքով ժամեր շարունակ Արշակունյաց պողոտան խցանված էր:
