Տավուշի մարզի Նոյեմբերյան քաղաքի Ծովանի թաղամասում տեղի է ունեցել վթար: ԱԻՆ լրատվական ծառայությունից հայտնում են, թե ահազանգը ստացվել է սեպտեմբերի 26-ին, ժամը 23.09-ին, որ կան տուժածներ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Դեռեւա չբացահայտված հանգամանքներում Նոյեմբերյան-Իջեւան ավտոճանապարհի 1.5 կմ-ին «Շեւրոլե-Նիվա» մակնիշի 588 ՕՍ 64 պետհամարանիշով ավտոմեքենան դուրս է եկել ճանապարհի երթեւեկելի հատվածից եւ բախվել հենասյանը:
Մինչ հրշեջ-փրկարարների կանչի վայր հասնելը` վարորդ 1957 թ. ծնված Մ. Մ.-ը եւ 1972 թ. ծնված Ա. Վ.-ը հոսպիտալացվել են Նոյեմբերյանի բժշկական կենտրոն:

Հրշեջ-փրկարարները հոսանքազրկել եւ գազազրկել են ավտոմեքենան:

Բժիշկները Մ. Մ.-ի առողջական վիճակը գնահատել են ծանր, իսկ Ա. Վ.-ինը՝ բավարար: