նախընտրելի դարձնել
Քաղաքագետ Սուրեն Սուրենյանցին երեկ՝ սեպտեմբերի 27-ին, երեկոյան կալանավորել են: Այս տեղեկությունը NEWS.am-ի թղթակցի հետ զրույցում հայտնեցին ոստիկանությունից:
Հիշեցնենք, որ Երեւանի Կենտրոն Նորք-Մարաշ վարչական շրջանների ընդհանուր իրավասության դատարանը՝ նախագահությամբ Մխիթար Պապոյանի, շուրջ 1,5 ժամ խորհրդակցական սենյակում մնալուց հետո՝ վերադառնալով հրապարակել է իր որոշումը: Ըստ այդմ, Սուրեն Սուրենյանցի նկատմամբ ընտրված խափանման միջոց չհեռանալու ստորագրությունը փոխարինվել է կալանքով:
«Փաստինֆո»-ի փոխանցմամբ, դատարանը որոշում է կայացրել նաեւ քրեական գործի վարույթը կասեցնելու եւ նրա նկատմամբ հետախուզում հայտարարելու մասին: Սուրենյանցին հայտնաբերելուց հետո դատարանը քրեական գործի վարույթը վերսկսելու մասին որոշում կընդունի: Այսպիսով դատարանը բավարարել է մեղադրողի միջնորդությունը Սուրենյանցի նկատմամբ խափանման միջոց ընտրված չհեռանալու ստորագրությունը կալանքի փոխելու մասին:
Խարդախության մեջ մեղադրվող քաղաքագետ Սուրեն Սուրենյանցը չէր ներկայացել իր գործով դատական նիստին եւ դատարանը, մինչ նիստը սկսելը (այն սկսվեց 40 րոպե ուշացումով), փորձել էր պարզել վերջինիս բացակայության պատճառը: Սուրենյանցը հեռախոսազանգի միջոցով տեղեկացրել է, որ վատառողջ է եւ կաթիլային ներարկում է ստանում: Դատարանը փորձել էր պարզել, թե որտեղ է գտնվում Սուրենյանցը, վերջինս, դատարանին հավաստիացրել էր, որ Նորքի զանգվածում բնակվող ընկերոջ տանն է, բայց հասցե չէր նշել:
Նախորդ նիստին Սուրենյանցի նկատմամբ բերման ենթարկելու որոշում էր կայացվել, սակայն պարզվել էր, որ Սուրենյանցի բնակավայրի դատարանին հայտնի հասցեում նման մարդ չի բնակվում:
