Դիլիջան-Սեւան ավտոճանապարհին՝ թունելի մոտակայքում, տեղի է ունեցել վթար: ԱԻՆ ;րատվական ծառայությունից հայտնում են, թե ահազանգը ստացվել է հոկտեմբերի 7-ին, ժամը 07.05-ին:

Դեպքի վայր է մեկնել մեկ մարտական հաշվարկ: 

Դեռեւս չբացահայտված հանգամանքներում Սեւան-Դիլիջան ավտոճանա­պարհի 19-րդ կմ-ի մոտակայքում «ԲՄՎ» մակնիշի 33 LP 339 պետհամարանիշի ավտոմեքենան, դուրս գալով ճանապարհի երթեւեկելի հատվածից, ընկել է Ձկնագետ գետը:

Հրշեջ-փրկարարները դուրս են բերել ՀՀ ՊՆ զինծառայողներ՝ 1973 թ. ծնված փոխգնդապետ Ս. Խ.-ին, 1988 թ. ծնված ավագ լեյտենանտ Լ. Ա.-ին, 1995 թ. ծնված Գ. Մ.-ին եւ 1995 թ. ծնված Վ. Գ.-ին, ովքեր տեղափոխվել են Սեւան քաղաքի բժշկական կենտրոն:

Ըստ բժիշկների՝ Ս.Խ.-ի առողջական վիճակը գնահատվել է միջին ծանրության, մյուսներինը՝ բավարար: