նախընտրելի դարձնել
Հոկտեմբերի 15-ից 17-ը Ծաղկաձորում կկայանա ԱՊՀ մասնակից երկրների անվտանգության մարմինների եւ հատուկ ծառայությունների ղեկավարների խորհրդի 35-րդ նիստը, որտեղ կքննարկվեն միջազգային ահաբեկչության դեմ պայքարի, կազմակերպված հանցավորության, մաքսանենգության, թմրաբիզնեսի, համակարգչային հանցավորության, եւ ԱՊՀ մասնակից երկրների հատուկ ծառայությունների, անվտանգության մարմինների գործունեության համաձայնեցված ոլորտներուÙ այլ տեսակի հանցագործությունների դեմ պայքարի հարցեր:
ՀՀ ԱԱԾ Մամուլի կենտրոնից հայտնում են, թե նիստին կմասնակցեն ԱՊՀ բոլոր մասնակից երկրների հատուկ ծառայությունների ներկայացուցիչները, բացի Ադրբեջանից: Դիտորդի կարգավիճակով հրավիրված են նաեւ արեւմուտքի որոշ հատուկ ծառայությունների ներկայացուցիչներ / Ֆրանսիա, Գերմանիա, Իտալիա, Իսպանիա/:
Հայաստանում ԱՊՀ մասնակից երկրների անվտանգության մարմինների եւ հատուկ ծառայությունների ղեկավարների խորհրդի նիստը անց է կացվում չորրորդ անգամ /1998,2003,2008թթ./:
Խորհուրդը ստեղծվել է ԱՊՀ մասնակից երկրների ղեկավարների Խորհրդի 1997թ. մարտի 28-ի որոշմամբ, անվտանգության մարմինների եւ հատուկ ծառայությունների գործողությունների փոխգործակցության եւ համակարգման նպատակով:
