նախընտրելի դարձնել
Պեկինի իշխանություններն արգելել են շաբաթվա կենտ օրերին երթեւեկել վերջում զույգ համարներ ունեցող մեքենաներին, եւ հակառակը:
«Սինհուա» գործակալությունը չի նշում նոր օրենքն ուժի մեջ մտնելու ամսաթիվը, սակայն արդեն հայտնի են որոշ մանրամասներ:
Զույգ օրերին կարելի է օգտվել միայն զույգ թվերով ավարտվող համարներով մեքենաներից: Կենտ օրերին էլ կարող են երթեւեկել կենտ համարներով մեքենաները, գրում է «Կոմսոմոլսկայա պրավդան»:
Նոր կանոնները խստացնում են արդեն գոյություն ունեցող սահմանափակումները: Սահմանափակումների պատճառն այն է, որ յուրաքանչյուր չորրորդ չինացին մեքենա ունի, ինչը վատ է ազդում երկրի էկոլոգիական իրավիճակի վրա:
Պեկինում օդի աղտոտվածության գնահատման համար բազմագույն սանդղակ կկիրառվի՝ բաղկացած չորս գույնից: Կարմիր գույնը նշանակում է օդի աղտոտվածության ամենաբարձր աստիճանը:
