Հայաստանի Կոմկուսի Կենտրոնական կոմիտեի առաջին քարտուղար Ռուբեն Թովմասյանը ՀԿԿ Կենտկոմի բյուրոյի նիստում հրաժարական է տվել:

NEWS.am-ի թղթակցին Կոմունիստական կուսակցությունից հայտնեցին, որ մինչեւ նոյեմբերի 23-ին նշանակված պլենումը կուսակցության ղեկավարի պարտականությունները կկատարի  Կենտկոմի  երկրորդ քարտուղար Տաճատ Սարգսյանը:

Ռուբեն Թովմասյանը փետրվարին կդառնա 77 տարեկան: Նրա հրաժարականի պատճառների մասին պաշտոնապես ոչինչ չի հաղորդվում:

Լուսանկարը՝ Արսեն Սարգսյանի / NEWS.am