նախընտրելի դարձնել
Շոտլանդիայում պանդոկի տանիքին ոստիկանական ուղղաթիռի ընկնելու հետեւանքով ինը մարդ տարբեր աստիճանի վնասվածքներով տեղափոխվել է հիվանդանոց, հայտնում է Գլազգոյի թագավորական հիվանդանոցը:
Պանդոկում ուղղաթիռի ընկնելու պահին 100-ից ավելի մարդ է եղել. ուրբաթ երեկոյան այնտեղ համերգ կար: Ուղղաթիռում երեք մարդ է եղել` երկու ոստիկան եւ քաղաքացիական ավիացիայի օդաչուն:
Պատահարի վայրում աշխատում են փրկարարները, ժամանել են շտապօգնության մեքենաները: Ականատեսները հայտնում են, որ մարդկանցից շատերը չեն կարողանում դուրս գալ պանդոկից, հաղորդում է «ՌԻԱ Նովոստին»:
Ավելի վաղ Շոտլանդիայի առաջին նախարար Ալեքս Սալմոնդը նախազգուշացրել էր, որ, հաշվի առնելով աղետի մասշտաբը, պետք է պատրաստ լինել զոհերի:
