ՌԴ ԶՈՒ  ցամաքային զորքերի գլխավոր հրամանատար Վլադիմիր Չիրկինը երկրի նախագահի հրամանագրով ազատվել է զբաղեցրած պաշտոնի, հայտնում է  «Կոմերսանտը»` վկայակոչելով նախագահի աշխատակազմին մոտ կանգնած  աղբյուրը: 

Հաղորդվում է, որ Չիրկինի պաշտոնանկության պատճառը ՌՔԿ-ի զինվորական քննչական վարչության կողմից ՌԴ ՔՕ  290 (կաշառակերություն) հոդվածով նախատեսված հանցանք գործելու համար  նրան ներկայացված մեղադրանքն է:

Հայտնի է նաեւ, որ գեներալին վերագրվող հանցագործությունը վերաբերում է 2010թ. դեկտեմբերից 2012թ. ապրիլ ժամանակահատվածին: Այն ժամանակ Չիրկինը զբաղեցնում էր Կենտրոնական ռազմական օկրուգի հրամանատարի պաշտոնը: 
Ըստ որոշ տվյալների` քննությունն սկսվել էր զինդատախազության ստուգումից հետո:

Իսկ ՔՕ-ի 159 հոդվածով (խարդախություն) նախատեսված գործը քննելիս քննիչները պարզել էին, որ  հրամանատարը կարող էր թույլատրել կասկածելի գործարքները: 

Նշվում է, որ գեներալի նկատմամբ գործ հարուցելու հարցով  ակտիվ քննչական գործողություններն սկսվել էին այս տարվա սեպտեմբերին: Այն ժամանակ քննությունը դիմել էր պաշտպանության նախարար Սերգեյ Շոյգուին` քննության ընթացքում Չիրկինին պաշտոնից ազատելու  միջնորդությամբ:

Գլխավոր հրամատարի պարտականությունները ժամանակավորապես կատարելու է Ցամաքային զորքերի գլխավոր շտաբի պետ գեներալ Սերգեյ Իստրակովը: