նախընտրելի դարձնել
Սանտա Կլաուսի հագուստով մի խումբ զինված անձինք Ալբանիայում եւ Կոսովոյում ոսկերչական խանութներ են թալանում:
Հաղորդվում է, որ առաջին կողոպուտը տեղի է ունեցել դեկտեմբերի 24-ին` Ալբանիայի մայրաքաղաք Տիրանայում:
Զինված չորս տղամարդիկ՝ Սանտա Կլաուսի հագուստով, ներխուժել են առեւտրի կենտրոնի ոսկերչական խանութ, եւ, սպառնալով վաճառողին, իրենց պարկերն են լցրել թանկարժեք զարդերը: Ավելի ուշ ոստիկանությունը առեւտրի կենտրոնի մոտ գտնվող աղբարկղում հայտնաբերել է երկու ինքնաձիգ, ենթադրվում է, որ կողոպտիչերն ազատվել էին դրանցից, հայտնում է The Associated Press-ը:
Հաջորդ կողոպուտը կատարվել է դեկտեմբերի 26-ին` Կոսովոյի Պրիզրեն քաղաքում: Երեք Սանտա Կլաուսների հարձակումից տուժել է երկու գնորդ:
Երկու երկրների ոստիկանությունը պարզում է հանցագործությունների միջեւ եղած կապը:
Հիշեցնենք, որ դեկտեմբերի 26-ին նմանատիպ դեպք էր տեղի ունեցել նաեւ ԱՄՆ-ում, որտեղ մուգ ակնոցներով Սանտա Կլաուսը Ֆլորիդայում բանկ էր կողոպտել:
