նախընտրելի դարձնել
Բելառուսում փետրվարին առաջին անգամ «Տոր Մ2» համալիրի կիրառմամբ զորավարժություններ կանցկացվեն: Այս մասին հունվարի 4-ին լրագրողներին հայտնել է Բելառուսի Հանրապետության ռազմաօդային եւ ՀՕՊ զորքերի Արեւմտյան օպերատիվ-մարտավարական զորքերի հրամանատար Անդրեյ Գուրցեւիչը, հաղորդում է Բելառուսի պետական հեռագրային գործակալությունը:
Բելառուսցի զինվորականները եղանակային տաք պայմաններում արդեն փորձարկել էին «Տոր Մ2»-ը ` ռուսական «Աշուլուկ» զորավարժարանում: Այժմ տեխնիկան պետք է փորձարկեն ցուրտ պայմաններում` նախկին Պոլեսյան զորավարժարանում: Անդրեյ Գուրցեւիչը վստահ է, որ համալիրները այս անգամ էլ կարդարացնեն իրենց եւ այս անգամ էլ ամեն ինչ հաջող կանցնի: Գնդապետը նաեւ նշել է, որ «Տոր Մ2»-ը զգալիորեն ուժեղացրել է Բելառուսի զորքերի մարտական հզորությունը:
