Գրենլանդիայի մոտ գիտնականները սառցածածկ   հսկայական ջրամբար են հայտնաբերել` 140 միլիարդ տոննա ջրի պաշարով: Հսկայական ջրամբարը քողարկված է սառցե ծածկույթի տակ, եւ ամենակարեւորն այն է, որ հալած ջուրը նույնիսկ ձմռանը չի սառչում:

Գիտնականները նշում են, որ այդ լիճը կարող է մեծագույն առեղծվածը` գլոբալ տաքացումը, հասկանալու բանալի տալ:  Ջրի նշված ծավալը բավարար է Համաշխարհային օվկիանոսի մակարդակը 0,4 մմ բարձրացնելու համար: Դեռ հայտնի չէ` այդ ջրի որեւէ մաս կհայտնվի արդյոք օվկիանոսում, թե ոչ, հաղորդում է Informing.ru-ն:

Հիշեցնենք, որ վերջին տարիներին Գրենլանդիայի  սառցե ծածկույթի հալչելու  ինտենսիվությունն աճում է եւ 2012թ.  հասել էր իր առավելագույնին: Գիտնականների համար առեղծված է մնում` ուր է գնում այդ ջուրը:  Այժմ ամեն ինչ  քիչ թե շատ հասկանալի է: