Մինչև 2030 թվականը կենսավառելիքի համաշխարհային արտադրությունը գրեթե 70%-ով կաճի 2025 թվականի մակարդակի համեմատ, քանի որ հիմնական արտադրող երկրները շարունակում են մեծացնել դրա օգտագործումը՝ ի պատասխան Մերձավոր Արևելքում հակամարտությամբ պայմանավորված էներգետիկ ճգնաժամի։ Դրա մասին ասվում է լոնդոնյան Chatham House վերլուծական կենտրոնի և հավաստագրման ոլորտում գործող ոչ առևտրային Forest Stewardship Council (FSC) կազմակերպության հետազոտության մեջ, հաղորդում է Reuters-ը։

Հակամարտության սկզբից ի վեր Բրազիլիան, Չինաստանը, Հնդկաստանը, Ինդոնեզիան, ԱՄՆ-ն և ԵՄ-ն բարձրացնում են էներգակիրներում կենսավառելիքի պարունակության պահանջները, հաղորդում է «Ագրոէքսպորտ»-ը։ Եթե առաջարկված բոլոր միջոցները կյանքի կոչվեն, ապա մինչև 2030 թվականը կենսավառելիքի հումքի արտադրության համար անհրաժեշտ հողատարածքներն ավելի քան կկրկնապատկվեն 2023 թվականի մակարդակի համեմատ։ Եգիպտացորենի և շաքարեղեգի նման գյուղատնտեսական մշակաբույսերի աճեցման համար լրացուցիչ կպահանջվի 36 միլիոն հեկտար։