նախընտրելի դարձնելՌԴ Պետդուման առաջին ընթերցմամբ ընդունել է արտասահմանցի աշխատակիցների աշխատանքի ընդունման կարգը կանոնակարգող օրինագիծը:
Օրինագծի համաձայն՝ աշխատանքային օրենսգիրքը լրացվում է նոր հոդվածով, որով, մասնավորապես, ամրագրվում է, որ արտասահմանցի աշխատողները աշխատանքային պայմանագիր կնքելիս պարտադիր պետք է բժշկական ապահովագրության թուղթ ներկայացնեն՝ բացառությամբ այն դեպքերի, եթե բուժծառայությունները արտասահմանցուն տրամադրվում են գործատուի հաշվին:
Գործատուն իրավունք կունենա աշխատանքից հեռացնել արտասահմանցի աշխատակցին՝ վերջինիս բուժապահովագրության կամ աշխատանքի թույլտվության ժամկետն ավարտվելուց հետո, եթե նոր փաստաթղթերը չձեւակերպվեն մեկ ամսվա ընթացքում:
Օրինագծում նաեւ նշված է «օտարերկրյա քաղաքացիների հետ աշխատանքային պայմանագրում աշխատանքի, ժամանակավոր բնակվելու թույլտվության վերաբերյալ հավելյալ տեղեկություններ ընդգրկելու» անհրաժեշտությունը:
Նշենք, որ Պետդումայի աշխատանքի, սոցիալական քաղաքականության եւ վետերանների հարցերով հանձնաժողովը կողմ է ներգաղթյալների համար ոչ թե կամավոր, այլ պարտադիր բժշկական ապահովագրություն կիրառելուն, հայտնում է ԻՏԱՌ-ՏԱՍՍ-ը:
