նախընտրելի դարձնելՇտապօգնության կայանից, ապրիլի 13-ին, ժամը 15.00-ին, ոստիկանության Կոտայքի բաժնում հաղորդում է ստացվել, որ 9-րդ փողոցի թիվ 26 տան հարեւանությամբ, կիսակառույց շենքի մոտ, տղամարդու դիակ կա:
Ոստիկանության մամուլի ծառայությունից հայտնում են, որ մեկնած օպերատիվ խումբը նշված հասցեում հայտնաբերել է 56-ամյա Հակոբ Ղազանչյանի դիակը` «քթի արյունահոսություն, կրծքավանդակի աջ մասում քերծվածքներ» մարմնական վնասվածքների հետքերով:
Պարզվել է, որ նույն օրը, ժամը 14.55-ի սահմաններում, 1974 թ. ծնված Արմեն Ս.-ն վարելով «ԿամԱԶ» մակնիշի բեռնատար ավտոմեքենան, 9-րդ փողոցի թիվ 26 տան բակում, քար բեռնաթափելու նպատակով ավտոմեքենայով հետ ընթանալիս վրաերթի է ենթարկել Հ. Ղազանչյանին, որը տեղում մահացել է:
Նշանակվել է դատաբժշկական փորձաքննություն:
Նախապատրաստված նյութերն ուղարկվել են ոստիկանության քննչական բաժանմունք:
