նախընտրելի դարձնելՈւկրաինայի հարավ-արեւելքում ուժի կիրառումն անընդունելի է, հայտարարել է ՌԴ արտգործնախարար Սերգեյ Լավրովը:
«Խնդրի լուծման բանալի պետք է դառնա սահմանադրական բարեփոխումը», - ասել է նա չինացի գործընկերոջ հետ հանդիպման ավարտին:
Ռուսաստանը պահանջում է դադարեցնել այսպես կոչված անվտանգության ուժերի կենտրոնացումը Ուկրաինայի արեւելքում, ինչը հակասում է միջազգային սկզբունքներին, Լավրովի խոսքերն է փոխանցում ԻՏԱՌ-ՏԱՍՍ-ը:
«Մենք կտրականապես դատապարտում ենք եւ պահանջում դադարեցնել այսպես կոչված անվտանգության ուժերի եւ բանակային ստորաբաժանումների կենտրոնացման նախաձեռնությունները», - ասել է նա:
Նախարարն անընդունելի է համարում Ուկրաինայի արեւելքում հակաիրավական գործողություններին ՄԱԿ-ին ներգրավելու Կիեւի մտադրությունը:
«Ուկրաինական կողմը ՄԱԿ-ին հրավիրում է մասնակցել հակաիրավական գործողությունների՝ իր ագրեսիվ մտադրություններն իրականացնելու համար»՝ միաժամանակ մեղադրելով Ռուսաստանին:
«Ավելի մեծ անհեթեթություն չեմ լսել: Սա նշանակում է սեփական ժողովրդին զրկել կարծիք արտահայտելու եւ անօրինականության դեմ պայքարի իրավունքից», - նշել է նախարարը:
Ըստ արտգործնախարարի՝ Ռուսաստանը Սլավյանսկում գտնվող ԵԱՀԿ առաքելությունից անկողմնակալ տեղեկությունների կսպասի:
