նախընտրելի դարձնելՄաքսային Միության գործարարները ցանկանում են ԵՄ արտահանումը Հայաստանից կազմակերպել: Այս մասին ապրիլի 25-ին լրագրողներին հայտնել է ՀՀ Ազգային Ժողովի Հանրապետական կուսակցության պատգամավոր, խորհրդարանի ֆինանսական հարցերով հանձնաժողովի նախագահ Գագիկ Մինասյանը: Նա նշել է, որ Մաքսային Միության ոչ մի երկիր Եվրամիության հետ արտահանման նախընտրությունների GSP+ ռեժիմով չի աշխատում, բացի Համընդհանուր տնտեսական տարածք (ՄՄ-ի ժառանգորդը) մուտք գործելու մտադրություն հայտնած Հայաստանից: «Հետեւապես, ՀՏՏ մյուս երկրները ներկայացնող առեւտրային ձեռնարկությունները հեշտությամբ կարող են իրենց արտադրությունը Հայաստանում հիմնել եւ մեր երկրից արտահանում կազմակերպել: Տեղյակ եմ, որ մի քանի ձեռնարկություններ արդեն այդպիսի մտադրություն ունեն»,- հայտարարել է Մինասյանը:
Եվրասիական ինտեգրացիան, հավելել է Մինասյանը, Հայաստանի շահերից է բխում: «Բավական է հիշեցնել, որ Հայաստանը, դեռեւս ՄՄ անդամ չլինելով, ձեռնտու գնով է ռուսական գազ ձեռք բերում: Այն ոչ միայն ցածր է, այլ նաեւ` կայուն: Իսկ յուրաքանչյուր բիզնեսի համար կարեւոր է համեմատաբար երկար ժամկետով կանխատեսումներ ունենալ»,-նշել է Մինասյանը:
Հիշեցնենք` մի քանի օր առաջ ՀՀ էկոնոմիկայի նախարարի պաշտոնակատար Վահրամ Ավանեսյանը հայտարարել էր, որ Հայաստանը պատրաստվում է ոչ թե Մաքսային Միությանը, այլ` ավելի ուժեղ ինտեգրացիոն միավորի` Համընդհանուր տնտեսական տարածքին միավորվել:
