նախընտրելի դարձնելՍտամբուլում ճարտարապետ Էմրե Արոլաթը ընդունված սկզբունքներին հակասող շենք է նախագծել: Մզկիթը, որը գտնվում է Բյուքչեքմեջե արվարձանում, հեշտ չէ նկատել. տեսանելի է միայն դրա մինարեթը, որը մոխրագույն քարից կառուցված քառակուսի աշտարակ է հիշեցնում: Կառույցը նման է արդյունաբերական օբյեկտի, եւ միայն մոտ տարածությունից է երեւում Allahu akbar փորագրությունը, գրում է գերմանական Süddeutsche Zeitung թերթը:
Մինարեթը բլրի գագաթին է, որտեղից աստիճաններով ներքեւ են իջնում: Մզկիթի ներսը ապշեցնում է էլեգանտությամբ եւ պարզությամբ: Այնտեղ չկան խճանկարներ կամ նախշազարդ սալիկներ, նախշազարդ գորգեր, դեկորի վառ տարրեր, փոխանցում է MIGnews.ru-ն:
Միակ զարդարանքը կողային պատերի լուսարձակող գնդերն են:
Կենտրոնական մասում անցք կա, որի միջով ցերեկային լույսն է ներթափանցում: Դա միհրաբն է՝ աղոթարանը, որը ցույց է տալիս Մեքքայի ուղղությունը:
Կանանց համար, որոնք առանձին են աղոթում, ճարտարապետը օտար աչքից հեռու պատկերասրահ է ստեղծել: Ըստ ճարտարապետի՝ մզկիթը կառուցելիս իրեն ոգեշնչել է քարանձավը, որտեղ Մուհամեդ մարգարեն առաջին անգամ աստվածային հայտնություն է ունեցել:
