նախընտրելի դարձնելՀամացանցում հայտարարություն է հայտնվել Ուկրաինայի չորրորդ նախագահ Վիկտոր Յանուկովիչի կոստյումների վաճառքի մասին: Ֆիրմային հագուստների նախնական արժեքը սկսվում է 3 հազար գրիվնայից (260 դոլար), փոխանցում է ՈՒՆՆ-ն:
«Նախկին նախագահ Վիկտոր Յանուկովիչի Brioni կոստյումը: Այն գտնվել է Մեժիգորիեի առանձնատան իր սեփական զգեստապահարանում: Վիճակը հիանալի է, 100% քիշմիր, անհատական կար», - գրել է հայտարարության հեղինակը:
Հրատարակչությունը նշում է, որ Յանուկովիչի հագուստը մեծ ժողովրդականություն չի վայելում քաղաքացիների շրջանում: Մի քանի շաբաթվա ընթացքում հայտարարությամբ հետաքրքրվել է 10 մարդ:
Հիշեցնենք, ավելի վաղ «Աջ սեկտորում» ծրագրել էին Վիկտոր Յանուկովիչի ավտոպարկի մեքենաները հանձնել աճուրդի` վաճառքի համար:
