նախընտրելի դարձնել
Վրաստանը Ռուսաստանի կողմից ճնշումների սաստկացում է սպասում, քանի որ Մոսկվան հրաժարվում է միանալ ուժի չկիրառման համաձայնագրին, հայտարարել է Վրաստանի վարչապետ Իրակլի Գարիբաշվիլին՝ Բելգիայի Հարվարդի ակումբում ելույթ ունենալով: Ըստ նրա՝ Ռուսաստանի ճնշումներն անշուշտ կազդեն Վրաստանի անվտանգության վրա:
«Ղրիմը Ռուսաստանին բռնակցվելուց հետո շատ կառավարություններ դատապարտեցին դա, սակայն մոռացան, որ 2008-ին եւս Ռուսաստանը օկուպացրեց Վրաստանի տարածքը: Եվ այսօր մեր հյուսիսային հարեւանի գործողությունները մեծ սպառնալիք են մեր երկրի անվտանգության համար: Վրաստանը դիվանագիտական հարաբերություններ չունի Ռուսաստանի հետ, բայց մենք փորձում ենք երկու երկրների խնդիրները լուծել խաղաղ ճանապարհով», - նշել է քաղաքական գործիչը:
«Բայց, չնայած հարաբերությունների կկարգավորմանն ուղղված Վրաստանի կառավարության կառուցողական քայլերին, Մոսկվան շարունակում է սադրանքները օկուպացված գոտում: Ավելին, մենք Ռուսաստանի կողմից ճնշումների սաստկացում ենք սպասում, քանի որ այն հրաժարվում է միանալ ուժի չկիրառման համաձայնագրին: Չնայած դրան, Վրաստանը զարգացման իր ուղուց չի շեղվի»,- նշել է Իրակլի Գարիբաշվիլին, հայտնում է «Գռուզիա Online»-ը:
